Efekti më i parë i referendumit tronditës në Greqi, do të jetë mesa duket ikja e kreut të opozitës, ish-kryeministrit Samaras, nga koka e Demokracisë së Re. Nga ana tjetër, fituesi, kryeministri Cipras, ka thënë se tani fillon epoka e bisedimeve me Bashkimin Europian. Por nga Berlini vjen dushi i parë i ftohtë: U hodhën në erë urat për një kompromis të fundit, është replika gjermane.
Bankat greke kanë nisur të kërkojnë likuiditet në Bruksel, por Mario Dragi i ka duart e lidhura. Mesa duket nuk do të ketë asnjë lëvizje financiare, para samitit europian që do të mblidhet urgjentisht në dy ditët e ardhshme.
