Jurgen Kurti, i vrarë mbrëmjen e sotme pranë Stadiumit “Dinamo” në Tiranë teksa po kthehej në shtëpi, ishte jo pak i njohur për opinionin publik.
Vrasjo ndodhi rreth orës 22:20, në rrugën “Zef Jubani”, në rrethana ende të paqarta.
Kurtit iu organizua atentat teksa po kthehej në shtëpinë e tij pranë Stadiumit “Dinamo” në Tiranë, nga të paktën dy persona.
I riu vrau te atin në prill të vitit 2016 dhe me pas u arrestua , po per vrasjen u shpall fajtor daja. Por nuk kaluan shumë kohë, para se i riu të përfshihej në një tjetër akt kriminal.
Ai u arrestua së bashku me vjehrrin e tij, Konstadin Ekonomi dhe vëllanë e këtij të fundit, Kujtim Ekonomi, krim i cili ndodhi për motive pronësie.
Dikur menaxher i vip-ave, Jurgen Kurti u arrestua për herë të dytë, pak kohe me vone.
Retrospektive
Asokohe nga ekspertiza mjeko- ligjore u vërtetua se shtetasi Agim Arapi ka ndërruar jetë për shkak të problemeve që ka pasur me zemrën, ku nuk ka përballuar dot goditjet me grushta, të kryera nga autorët.
Pavarësisht se në vendin e ngjarjes është gjetur një thikë dhe fillimisht u tha se Arapi ishte qëlluar me thikë dhe kishte ndërruar jetë për shkak të plagëve të marra, policia në njoftimin zyrtar të sotëm, deklaron se 51-vjeçari ka vdekur për shkak të një ataku kardiak.
Ndërkohë policia e Durrësit shfajëson edhe Jurgen Kurtin, dhëndrin e një prej autorëve të dyshuar, pasi sipas policisë ai nuk ka marrë pjesë në rrahjen e viktimës.
Pak minuta pas ngjarjes efektivët e policisë së Durrësit arrestuan autorët e dyshuar, vëllezërve: Kostandin Ekonomi 54 vjeç dhe Kujtim Ekonomi 50 vjeç, banues në Durrës, referuar BW.
