Ja se si e pasqyrojnë në minutat e fundit vizitën e kryeministrit serb, dy media të mëdha serbe, televizioni B92 dhe agjensia BETA.
B92: Dhe helikopteri ruan, kur fillojnë bisedimet “Vučić dhe Rama do përcjellin sinjale bashkëpunimi”
Vizita e parë e kryeministrit serb në histori filloi me intonimin e himnit “Lavdi Zotit” me flamurin serb dhe me pritjen e zv/kryeministrit Niko Peleshi.
Tirana ka qenë plotësisht e bllokuar për shkak të vizitës së kryeministrit dhe shoqërimi i tij për në qytet ka qenë me masa të jashtëzakonshme sigurie dhe në ndjekjen për çdo moment edhe të një helikopteri ushtarak kurse në çdo 5 metra ka policë.
Agjencia BETA e ftohtë: Vuçiç udhëton për në Tiranë Dhe zv/kryeministrja: Mjaft me probleme tani të planifikojmë sëbashku
BETA flet thjesht për vizitën dhe axhendën e kryeministrit që do mbyllet me takimin e shoqatës së serbëve. Ajo citon nën/kryeministren Zorana Mihajloviç, që udhëton me Vuçiç. Ajo ka thënë se : “Ka ardhur koha që kur flasim për marrëdhëniet mes Serbisë dhe Shqipërisë mos të urrehemi dhe të mos flasim e mendojmë për problemet sesa të mendojmë për planifikimin e asaj që mund të bëjmë sëbashku”
