Kosova bëhet anëtarja e 55-të e familjes evropiane të futbollit. Federata e Futbollit të Kosovës është pranuar anëtare me të drejta të plota e UEFA-s, pas votimit të bërë nga vendet anëtare në Kongresin e zhvilluar në Budapest.
Kërkesa e Kosovës për anëtarësim u votua me 28 vota pro, 24 kundër dhe 2 abstenime.
Kryetari i FFK-së, Fadil Vokrri, pas votimit tha se “ky është moment historik për Kosovën”.
Më herët në Kongresin e 40-të të UEFA-s u votua kundër ndryshimit të statutit që parashikon se në UEFA mund të pranohen vendet, që janë të njohura nga Kombet e Bashkuara si shtete të pavarura.
D.I.
