“Xing me Ermalin“ nuk ka qenë aq për të qeshur dje për të dashurën e të ftuarit special të tij, Nas Daily.Aline dukej mjaft e qetë në fillim të intervistës, por situata e krijuar me pyetjen e Kelvina Kthjellës ka dalë jashtë kontrollit.
Kelvina i bën një pyetje blogerit të njohur që realizoi një video mjaft të bukur për Shqipërinë: “Po gjithë këto udhëtime i bën për të takuar goca?”.
Aline u prek shumë.
“Kjo është totalisht e pavend.
Nuk është fare për të qeshur.
E di që kjo është Shqipëria dhe ju nuk keni respekt për femrat, por kjo e kaloi cakun.
Të mos respektosh femrat, nuk të bën aspak për të qeshur.
Jam e lodhur nga kjo botë që bën gjëra të tilla.
Nuk është në rregull.
Kanali im në Youtube me miliona ndjekës është për të drejtat e femrave dhe ti bën këtë pyetje.Femrat në Shqipëri trajtohen si plehra, si objekt”, u shpreh ajo ndërsa nuk i përmbajti dot lotët.
