Një ekran gjigant ka rënë duke plagosur dy kërcimtarë në një koncert në Hong Kong nga grupi i djemve “Mirror”.
Ekrani përplasi fillimisht një kërcimtar para se të përplasej me të tjerët. Koncerti muzikor u ndërpre menjëherë dhe menaxheri i grupit u kërkoi turmave të dilnin me qetësi nga arena. Policia e Hong Kongut konfirmoi për mediat se dy kërcimtarë meshkuj u shtruan në spital, shkruan BBC.
Autoritetet thanë se një interpretues pësoi lëndime në qafë dhe ishte në gjendje të rëndë në kujdes intensiv ndërsa një tjetër ishte stabël.
Grupi i djemve ishte duke performuar në Coliseum të Hong Kongut si pjesë e një serie shfaqjesh.
Bashkia ka urdhëruar që pjesa e mbetur e turneut të pezullohet derisa të kryhen kontrolle sigurie në vendet e tjera. “Jam i tronditur nga incidenti”, tha udhëheqësi i qytetit, John Lee, duke shtuar “u shpreh ngushëllimet për ata që u plagosën dhe shpresoj se ata do të shërohen shpejt”.
Anëtarët e grupit janë disa nga personazhet e famshëm më të njohur në Hong Kong. Grupi u formua në vitin 2018 dhe që atëherë ka përjetuar sukses në vitet e fundit duke arritur audiencë në të gjithë Azinë.
g.kosovari
