Nga Alfred Peza
Ndersa po ndiqja me shume kersheri ndeshjen Napoli Milan, nje miku im me nis ne whatsapp linkun e websites “Opinion.al” ku sapo ishte hedhur nje lajm me titullin: Blushi i pergjigjet Alfred Pezes: Nese ai le mandatin, s’fiton gje as gazetaria, as Parlamenti.
Nje reagim ky, pas deklarates sime ne emisionin “Opinion” te Blendi Fevziut ne TV Klan, rreth 10 dite me pare, ku lidhur me pretendimet e Blushit se vajza e nje koleges sone deputete ne PS eshte kercenuar per shkak se mbeshtet qendrimet e tij. Blushi paska deklaruar se “une dua qe Alfred Peza te mbetet deputet.
Duke qene se une e mbaj fjalen dhe nese them emrin e deputetes, atehere ai do te detyrohet t’i kthehet gazetarise, nese e mban edhe ai fjalen. Por nese kjo ndodh, as gazetaria nuk do te fitoje ndonje gje me shume, dhe as Parlamenti nuk do te humbase nodding gje me shume”.
Pasi e lexova me kujdes kete thenie te Blushit, thjeshte doja ta siguroja se une vazhdoj ti permbahem sfides sime: Ose une ne PS, ose ai qe ka kercenuar vajzen e koleges sone. Qofte ai ose ajo, drejtor, zv. minister, Minister, madje edhe Kryeminister. Ose Blushi duhet te terheqi mbrapsht deklaratat e tij dhe te kerkoje ndjese. Kjo eshte e gjitha kaq e thjeshte.
Sepse kete gje, e konsideroj kufirin fundor, ose sic eshte bere e modes te thuhet, vijen e kuqe te qendrimit tim ne nje parti politike. Pasi kam hyre ne PS me bindjen e thelle se kjo force, kurre nuk bazohet ne jeten dhe veprimtarine e saj, tek shantazhi apo kercenimet, as brenda e as jashte llojit. Deklarata e Blushit sonte tek miku yne i perbashket Fevziu, thjeshte me kujton shprehjen e Aristotelit:
“E dua Platonin, por me shume dua te verteten”. Ndaj edhe une sot i pergjigjem: “E dua Blushin, por me shume dua te verteten”. Do te doja shume qe Blushi te thote te verteten. Ndryshe, pas kesaj, nuk kam ndermend as ta mendoj e as te them se nese e verteta del ne shesh, as politika dhe as letersia nuk humbet ndonje gje me shume.
