“E dredh” Meta: Nuk e jap dorëheqjen nëse çmendet “Venecia”

Presidenti është tërhequr nga fjala e tij se do të jepte dorëheqjen nëse Venecia konstaton se ka shkelur Kushtetutën.

Ai tha mbrëmjen e së enjtes se nuk ka ndërmend ta japi dorëheqjen nëse Komisioni i Venecias çmendet dhe konstaton diçka të tillë.

“Unë s’kam ndërmend të jap dorëheqjen po u çmend Venecia. Nëse Venecia arrin të më bindë atëherë e jap” – tha Meta në Opinion.

Ai këmbënguli se është shpëtimtar i stabilitetit duke theksuar se nuk e lë vendin në kaos dhe të ikë nga posti.

***

Deklarata e Metës pak javë para se Komisioni i Venecias të shprehej:

Nëse Venecia thotë që Ilir Meta ka shkelur Kushtetutën, patjetër që do ta jap dorëheqjen. Unë kam dhënë dorëheqjen kur kam qenë kryeministër për një gjë që nuk kishte lidhje fare me mua.

Të thotë Komisioni i Venecias që Presidenti ka shkelur Kushtetutën dhe unë të rri president? Kurrë në botë. Por kjo është qesharake, se thonë “ka çdekretuar”. Unë kam bërë një punë normale, kam çdekretuar dekretin që kam nxjerrë vetë. Ky është një dekret ekskluziv i Presidentit.

Ti kujton se po rri unë në punë. Unë e ndjej veten se jam në mision. Siç e kanë shkelur 100 herë ata kushtetutën, unë jam i bindur se e kam respektuar Kushtetutën.

Gjithë këto PPP që po kalojnë do të marrin ndonjë gjë edhe ata për sa kohë heshtin. Unë do të vazhdoj të jem në politikë dhe të përfaqësoj njerëzit që besojnë tek unë.

Nëse shikoj që Komisioni i Venecias lobohet, do të iki përsëri. Unë kam shprehur respekt për Komisionit të Venecias. Unë i qëndroj të gjitha deklaratave që kam thënë më përpara. Jam i vendosur të mbrojë interesin kombëtar. Ia kam thënë Edi Ramës të parit!