Pas gatishmërisë së kryeministrit Rama për të dialoguar me Bashën, madje edhe në çadrën e protestës, ka reaguar sërish lideri i PD. Basha thotë se Rama mund të vijë tek çadra, por me dorëheqjen e firmosur. Ai insiton për dialog vetëm për qeverinë teknike.
“Ka shprehur dëshirën që të vijë në çadër? Unë them që një shteg duhet t’ia lëmë. Po të vijë me dorëheqjen e firmosur? Ka 36 orë që negociatori i PD dhe i opozitës për të përgatitur një dialog në funksion të krizës pret të dërguarin e kryeministrit. Por kryeministri nuk do dialog, do monolog. Dialog për zgjidhje, për zgjidhjen e krizës politike për formimin e një qeverie teknike, me mbështetje politike që të zbatojë dekriminalizimin rrugën kundër drogës. Ky dialog i përgatitur me qëllim që të ketë sukses dhe jo të shkojë drejt dështimit. Për këtë kemi 36 orë që i kemi vënë në dispozicion negociatorin tonë. Përndryshe përballja vazhdon deri në fitore”, tha Basha./javanews.al
c.a
