Ish zedhenesja e Sali Berishes dhe eksperte e Komunikimit Erla Mëhilli, ka treguar se çfarë e frikëson te Partia Demokratike dhe opozita e Lulzim Bashës.
Mëhilli tha se ajo që e tremb është lëvizja e elektoratit të PD-së, ndryshe nga ai i elektoratit të PS-së që është më besnik ndaj së majtës.
Ajo deklaroi në Euronews Albania se e djathta në Shqipëri ka tkurrje të tmerrshme, ndërsa kërkoi që krahasimi i PD-së të mos bëhet me zgjedhjet e 2017-ës.
“E vetmja gjë që më tremb nga kjo lëvizja në elektoratin e PD, pra që ikën te LSI-ja dhe pastaj kthehet, tregon që është një elektorat pragmatist në ndryshim nga elektorati që ka PS-ja që është më i çimentuar.
Pra, pavarësisht pakënaqësive që mund të kenë, kur vjen puna te dita e votimit, ata prapë shkojnë dhe e hedhin votën te PS. Po ta mbledhësh të gjithë votën e majtë në Shqipëri, PS plus LSI dalin gati afër 1 milionë shuplakave të famshme, ndërsa e djathta në Shqipëri ka tkurrje të tmerrshme. Dhe mua nuk më pëlqen që krahasimin e bëjmë me 2017-ën, 2017 është një moment i tmerrshëm për opozitën”, theksoi ekspertja e komunikimit./ b.h
