Një nuse e re në Pakistan është arrestuar pasi dyshohet se ka vrarë të shoqin dhe të paktën 14 të afërm të tij me qumësht të helmuar.
Sipas policisë, Asiya Bibi kishte për qëllim që të helmonte vetëm burrin e saj. Ajo e kishte përzierë substancën helmuese me qumësht javën e kaluar, por ‘dështoi’ sepse i shoqi nuk e kishte pirë.
Por ajo nuk u dorëzua dhe e ktheu sasinë e qumështit të helmuar në ‘lassi’, një pije shumë e përdorur në Pakistan, të cilën ia shërbeu të gjithë familjes.
Sipas mediave lokale, Asiya Bibi ishte detyruar që të martohej në Shtator. Ajo kishte tentuar të arratisej nga shtëpia e burrit drejt prindërve, por pa sukses.
Martesa të tilla nuk janë të pazakonta në këto zona rurale dhe të varfra të Pakistanit dhe zakonisht shtyhen përmes familjarëve.
a.ç
