Një person është vënë në prangat e policisë së Lezhës, pas denoncimit të bërë në polici ndaj tij.
Policia thotë se e informuar nga qytetarët, ka arrestuar një person për prodhim dhe shitje të narkotikëve.
Specialistët e Seksionit Kundër Narkotikëve, pas një informacioni të marrë nga qytetarët për një person i cili posedonte lëndë narkotike në një zonë të Lezhës, kanë organizuar menjëherë punën, ku si rezultat arrestuan në flagrancë shtetasin B.P.
Gjatë kontrollit të ushtruar në ambientet përreth banesës së tij në Lezhë, iu konstatua dhe sekuestrua më cilësinë e provës materiale një sasi lënde narkotike kanabis sativa.
Ndaj të dyshuarit hetimet janë në vijim, ndërkohë që materialet iu referuan Prokurorisë për veprën penale “Prodhim dhe shitje e lëndëve narkotike”.
/a.rada
