E dashura e Liam Payne, Kate Cassidy, ndau një dedikim prekës për këngëtarin e ndjerë në një video në TikTok, duke reflektuar mbi lidhjen e tyre 2-vjeçare.
25-vjeçarja ndau video të momenteve të lumtura me Payne, i cili vdiq më 16 tetor në moshën 31-vjeçare pasi ra nga ballkoni i hotelit të katit të tretë në Buenos Aires.
Videoja, e shoqëruar me këngën “Fade Into You” të Mazzy Star, shfaqi aventurat dhe momentet e tyre të gëzuara, nga udhëtimet e tyre deri tek momentet në shtëpinë e tyre në Miami.
Në mbishkrimin e videos që zgjat një minutë e gjysmë, Cassidy shkroi vetëm fjalën: “Të dua”.
Pas vdekjes tragjike të këngëtarit, Cassidy zbuloi se ata kishin planifikuar një të ardhme së bashku, duke përmendur gjithashtu se Payne shprehu dëshirën e tij për t’u martuar me të.
Çifti u lidh në tetor të vitit 2022, duke bërë debutimin e tyre në tapetin e kuq në Fashion Awards të njëjtin vit.
Vetëm disa ditë para vdekjes së tij, Payne dhe Cassidy udhëtuan në Argjentinë për të mbështetur shokun e tij të grupit Niall Horan në një koncert.
/S.T
