Gjurmuesit e alienëve pretendojnë se kanë gjetur një merimangë gjigante duke përdorur Google Earth.
Pamjet tregojnë atë çfarë duket të jetë një objekt në formë merimange, me nëntë këmbë në vend të tetë, në një ishull në Meksikë.
Por, grupi i gjurmuesve të alienëve prapa këtij pretendimi nuk kanë publikuar ndonjë kordinatë, duke e vënë në dyshim atë nëse pamja është origjinale në Google Earth, transmeton Gazeta Express.
Një video e publikuar në YouTube e përshkruan objektin si një insekt gjigant. Por të tjerët thonë se duket më shumë si një merimangë, për shkak se ka më shumë se gjashtë këmbë.
Videoja në YouTube u shpërnda nga blogu ‘Ufo Sightings Daily’, një uebfaqe e popullarizuar që merret me gjurmimin e alienëve.
