Rinisja e kampionateve të futbollit u shoqërua me masën e rreptë që në shkallët e stadiumeve të mos kishte asnjë tifoz.
Në Itali, duke parë që edhe rastet me koronavirus kanë rënë ndjeshëm, po shihet mundësia që tifozët të rikthehen përpara mbarimit të këtij sezoni futbollistik.
“Një protokoll i detajuar do t’i dërgohet në orët në vazhdim Presidentit të Federatës Italiane të Futbollit Grabiele Gravina.
Seria A shpreson që secili klub të ketë mundësinë e rihapjes së stadiumit për një numër të caktuar tifozësh në raundin e fundit të ndeshjeve”, lexohet në deklaratën e Serisë A.
Ky vendim erdhi edhe pas problemeve që rrjeti televiziv “Sky” po has në pagimin e të drejtave televizive të Serisë A.
/e.rr
