Mbrojtësi i Shqipërisë dhe Atalantës Berat Gjimshiti ka përfunduar së fundmi në radarët e dy gjigantëve të futbollit Milan dhe Ajaks.
“Tuttomercatoweb” raporton se 27-vjeçari po studiohet si mundësi e mirë për të plotësuar boshllëkun e krijuar së fundmi në repartin e mbrojtjes së kuqezinjve dhe holandezëve.
Emri i tij pëlqehet te të dyja klubet, por lojtari është ende nën kontratë me Atalantën deri në vitin 2022, ndërsa merkatoja e këtij sezoni përfundon në 5 tetor.
Futbollisti shqiptar ka spikatur në dy sezonet e fundit me ekipin bergamesk duke arritur rezultate madhore në Itali dhe Europë, ku sezonin e kaluar arriti deri në Ligën e Kampioneve.
/e.rr
