Kryedemokrati Lulzim Basha shprehet sërish nuk do të njohë Kuvendin Kombëtar të 11 dhjetorit të thirrur nga ish-kryeministri Berisha. I ftuar në emisionin “Open”, Basha thotë se PD nuk i ka asnjë borxh Berishës i cili i ka përfshirë demokratët në betejën e tij me SHBA-në.
Basha thotë se Berisha i ka borxh PD-së pasi e ka bërë dy herë kryeministër dhe president dhe se ka qenë drejtues i partisë për vite me rradhë.
Kreu i PD-së ka komentuar dhe deklaratat e Sekretarit të Përgjithshëm Gazmend Bardhi i cili ka thënë se persona të lidhur me krimin, si Suel Çela dhe Aqif Rakipi kanë punuar për mbledhjen e firmave të delegatëve demokratë në llogari të Berishës.
Sipas Bashës, Berisha duhet të mbante një qëndrim ndaj këtyre deklaratave dhe të kërkonte informacion më shumë lidhur me to.
Basha: Në informimin që ka më ka dhënë dhe Sekretari i Përgjithshëm, procedurat po ecin dhe do bëhen dhe përpara afatit. Kur mbledh firmat nuk mund të bësh cirk, njëherë thua nuk do i nxjerr emrat dhe më pas I nxjerr disa emra. PD nuk do bëhet pjesë e këtij cirku.
Gazetari: Si e provoni që ju jeni shumica? Brenda PD dhe jo Berisha me mbështetësit e tij?
Basha: Nuk ka nevoj për verifikim. PD sapo i ka kryer zgjedhjet për Këshillin Kombëtar dhe kryetarit të PD. Pas 9 shtatorit ka ndryshuar vetëm vendimi për pezullimin e Berishës. Asgjë tjetër nuk ka ndryshuar. Nga njëra anë kemi një individ që për thyerjen e demokratëve për të mos i përfshirë demokratët me SHBA-në, nga ana tjetër kemi një PD të vendosur që nëse deri sot kemi bërë paqembajtësin, kam ruajtur ekuilibrat, kam respektuar, tani jam i vendosur t’i prijë demokratëve për t’i dhënë demokratëve për atë që i meriton në bazë të kontributit. Lideri historik që lideri historik i ka pasur kontributet e tij, por e vërteta është që PD nuk i ka asnjë borxh madje ai është borxhli ndaj saj. E ka bërë dy herë kryeministër dhe dy herë president dhe e ka pasur në krye të partisë për vite me radhë. Ndaj nuk i ka asnjë borxh këtë tollovi që mund të ishte shmangur nëse do mbante fjalën për të mos përfshirë demokratët dhe partinë dhe nëse do i ishte bindur vendimit të kryetarit të PD-së. Nëse e donte në datë 11, statute e ka të qartë se duhet të dorëzonte firmat 30 ditë përpara. Nuk e bëri, po ia bëjmë ne në 18 dhjetor. Urdhëro të vijnë demokratët në 18 dhjetor.
Gazetari: Akuzat që ju bëhen është se ju në datën 18 keni vendosur në rend dite masat ndëshkuese për ata që do jenë në datën 11. Është thirrur Kuvendi i përçarjes.
Basha: Nuk është e vërtetë kjo që thoni. I ngatërroni gjërat. Është vendimi i Kryesisë, jo rendi i ditës së Kuvendit.
Gazetari: Ju e lini opozitën të përçarë.
Basha: Kuvend ka vetëm në 18. Kishin shanse që të provonin se janë ¼ e delegatëve. I vendosën ata që të mos i sjellin. Jemi ne PD që ka thirrur Kuvendin në datë 18. Si qenka antikuvend se nuk i pëlqen Sali Berishës. A është ky mentaliteti i PD-së në vitin 2021. Nëse ka një kontrast, edhe në këto dy muaj Berisha ka vazhduar të përshkallëzojë një gjuhë agresiviteti ndaj demokratëve të sakrificave. Madje akuzat dhe provat ekzistojnë që në zona të ndryshme të vendit, njerëzit e botës së krimit që demokratët i kishin kundër në 25 prill. Tani janë nën flamurin e Sali Berishës. Besoj se i ka çuar Edi Rama, nuk e besoj se i ka Berisha. Tani që Berisha ka dalë kundër Bashës, tani po i çoj Suel Çelën në Elbasan, Qif Rakipin në Elbasan e Tom Doshin në Vaun e Dejës e Shkodrës. Përgjegjësia e Berishës është që në momentin që këto janë denoncuar në momentin që gjithë Elbasani e ka marrë vesh që një njeri si Suel Çela thërret dhe mban peng drejtues të strukturës së Elbasanit, të distancohej dhe të mbante qëndrim. Të pyeste se kush janë këta kriminelë që mbledhin firma në emrin tim. Berisha duhet të mbante qëndrim që kriminelët, që demokratët dhe qytetarët i kanë pasur përballë më 25 prill, sot të synojnë të bëhen një proces politikë brenda shtëpisë tonë, nuk do ndodhin.
