Kryetari i Partisë Demokratike, Sali Berisha, ka dalë sërish në mbështetje të protestës qytetarë që po vijon prej dy javësh në Tiranë. Berisha tha se kjo protestë është e bekuar nga zoti, por shtoi se qytetarët kanë nevojë për mbështetjen e të gjithëve.
“Është protestë e bekuar nga Zoti. Rinia shqiptare u ngrit për të gjithë vëllezërit, motrat, bashkëmoshatarët e vet që morën rrugët e dheut dhe ëndrrën e tyre rinore, individuale dhe familjare, sepse Shqipëria nuk u jepte strehë për ëndrrën e tyre. Të rinjtë dhe të rejat e Shqipërisë po protestojnë sot sepse shkollat janë katandisur dhe ka rënie të tmerrshme, të turpshme në pikiatë. Sepse prindërit e tyre marrin pensionet më qesharake apo rrogat më të ulëta në Evropë. Sepse spitalet e Shqipërisë janë spitale jo të botës së tretë, por të katërt me mungesat më elementare. Se tërë këto politika në të vërtetë përbëjnë një gjenocid të mirëfilltë, të heshtur të kësaj qeverie ndaj shqiptarëve.
Unë bëj thirrje çdo demokrati dhe demokrateje, çdo zgjedhësi, çdo qytetari që ka votuar dhe voton për PD, por edhe çdo shqiptari që e do këtë vend, që të ka dëshirë të jetojë me dinjitet në këtë vend dhe fëmijët e tij të vazhdojnë ëndrrën e tyre në këtë vend, të mbështesë çdo protestë. Ata kanë nevojë për mbështetjen e të gjithëve. Asnjë pretekst nuk ka të drejtë të përdoret për mos mbështetjen e tyre”.
Ti ke hallin e ortakut tende,qe po i vjen fundi,te ste plasi bytha,asnji here per Shqiperine,e shqiptaret.Tani maska jote,ka vite qe ka rene,ti je ortake,me k/hajdutin,ne vila,kulla e ne para keshe.jeni te diskritituar, te vdekur para popullit.