Policia kishte shkuar për ta vënë në pranga pasi ushtronte dhunë ndaj bashkëshortes, por janë surprizuar teksa në shtëpinë e një 37-vjeçari në Lezhë kanë gjetur edhe armë.
Arrestimi i tij u krye nga uniformat blu të Lezhës në bashkëpunim me Forcat Shqiponja, ndërsa në cilësinë e provës materiale u sekuestrua 1 armë zjarri pistoletë dhe municion luftarak.
“Shërbimet e Komisariatit të Policisë Lezhë menjëherë pas njoftimit të marrë për një rast dhune në familje ku bashkëshorti dhunonte bashkëshorten dhe mbante armë zjarri pa leje, menjëherë kanë organizuar punën për parandalimin e përshkallëzimit të dhunës dhe kapjen e autorit. Në bashkëpunim me Forcën e Posaçme “Shqiponja” të DVP Lezhë, bënë kapjen dhe arrestimin në flagrancë të shtetasit M. G., 37 vjeç, banues në Lezhë”, njofton policia.
Materialet procedurale i kaluan Prokurorisë për veprime të mëtejshme për veprat penale “Dhuna në familje” dhe “Prodhimi dhe mbajtja pa leje e armëve luftarake dhe municionit”.
/a.r
