Kreu demokrat Sali Berisha duke iu referuar qytetarit digjital denoncoi dhunimin në zyrë të Kryebashkiakut të Elbasanit, Gledian Llatja.
“Para dy ditësh, banda e Suel Çelës ka dhunuar në zyrën e tij kryetarin Llatja. Kanë qenë tre persona, me në krye vrasësin me pagesë Shkëlzen Hasanpapaj. E di i tërë qyteti, por askush nuk ka guxim të flasë. Le të dalë kryetari Llatja dhe ta mohojë këtë ngjarje”, thuhet në postimin e ish-Kryeministrit Berisha.
Ndërkohë Kryebashkiaku ka reaguar për Report TV duke përgënjeshtruar njoftimin në rrjet të kreut demokrat.
“S’ka mundësi të rrihet një kryetar bashkie”, thotë Llatja.
