Analisti Milazim Krasniqi dyshon në vërtetësinë e e-maileve të publikuara nga hakerat që tregonin për një atentat të planifikuar nga kryeministrit të Kosovës, Albin Kurti.
Në një intervistë për Euronews Albania analisti u shpreh se në fillim duhet konfirmuar nëse emailet janë të vërteta e më të tej mbi këtë bazë mund të bëhen analiza të mirëfillta.
“Rasti i Kosovës, nëse e marrim të mirëqenë, kemi dy kundërshtarë politike dhe profile të ndryshme, Albin Kurti dhe Xhavit Haliti ndaj nuk kuptoj si mund të jetë një sulm ndaj dy njerëzve që s’i lidh asgjë.
Mund të jetë edhe një lojë e shërbimeve, mund të jetë edhe pjesë e presioneve që po bëhen ndaj qeverisë Kurti në këtë pikë të dialogut.
Fakti që objekt i njëjtë sulmi është edhe Xhavit Haliti që sot nuk ka asnjë peshë vendimmarrëse në politikë të bën të dyshosh./m.j
