Albert Taullau 58 vjeç ka humbur jetën pasi është rrëzuar nga lartësia. Ngjarja ka ndodhur në lagjen “Loni Dhamo” të Lushnjes. Policia thotë se dyshohet që 58-vjeçari të jetë rrëzuar nga kati i tretë i banesës së tij dhe ndërroi jetë menjëherë.
Në vendngjarje ka shkuar grupi hetimor dhe po punon për zbardhjen e rrethanave.
Albert Taullau është vëllai i Saimir Taullaut, biznesmenit nga Lushnja të cilit i është bërë atentat në Tetor 2018, dhe që mundi t’i shpëtonte.
Mësohet se në të njëjtën banesë ku sot u rrëzua dhe gjeti vdekjen Albert Taullau, në vitin 2019 ishte vendosur lëndë plasëse eksploziv. Nga ngjarja në atë kohë nuk pati asnjë të lënduar për arsye se në banesë nuk kishte asnjë person.
Në Lushnje familja Taullau njihet si rivale e bandës së Aldo Bares për shkak të problemeve që kanë patur ndër vite. Baki Taullau, vëllai i Saimir dhe Albert Taullaut, është vrarë në vitin 2005.
/a.r
