Drejt Peshkopisë, lidhur me ngjarjen tragjike të ditës së sotme, është nisur një ekip i ekspertizës mjekoligjore nga Tirana, i cili do të asistojë në përcaktimin e shkaqeve të vërteta për vdekjen e tre personave brenda një familjeje.
Tragjedia ndodhi sot në Ostren të Bulqizës, ndërsa pas disa orësh tre trupat e pajetë të familjes Tolaj, Rajmonda, Rudina e Fatjon, mbërritën në morgun e spitalit Rajonal të Dibrës, ku edhe do t’i nënshtruar ekspertizës mjeko-ligjore.
Tre pjesëtarët e familjes Tolaj, nëna 40 vjeçe, vajza e madhe 20 vjeçe dhe djali 15 vjeç, dyshohet nga hetimet e para, se humbën jetën nga asfiksia gjatë natës, prej rrjedhjes së gazit.
Vajza 8-vjeçare e familjes Tola arriti të mbijetonte. Ajo u transportua drejt spitalit të Traumës, ku mjekët thanë se është jashtë rrezikut për jetën. Babai i familjes ndodhej në Greqi.
Por janë ngritur dyshime të forta se ato mund të jenë asfiksuar nga mangalli.
Tre anëtarët e pajetë të familjes Tola qëndruan në banesën e tyre për sa kohë grupi hetimor kreu veprimet paraprake. Është dashur disa orë udhëtim deri në Peshkopi, për shkak se fshati Ostren i Madh ndodhet në zonën e Gollobordës, midis Bulqizës dhe Librazhdit.
g.kosovari
