Zbulohen detaje të reja lidhur me automjetin të cilit iu vu zjarri në orët e para të mëngjesit të së hënës në Vlorë.
Makina “Audi A7” në pronësi të A. Malaj, u dogj e gjitha teksa ishte parkuar pranë banesës së tij, në fshatin Bishan të Novoselës.
Rezulton se Malaj, kishte vetëm pak ditë që ishte kthyer në Shqipëri nga Italia. Policia ka dyshime se ai ishte përfshirë në aktivitetin e trafikimit të lëndëve narkotike drejt shtetit fqinj.
Dyshohet se djegia e mjetit është bërë si mënyrë paralajmërimi pas prishjes së pazareve të drogës.
Automjeti luksoz me targa italiane, është djegur i gjithi si pasojë e flakëve të marra.
Por policia po heton për të zbuluar edhe konflikte të tjera të tij, ndonëse Malaj nuk rezulton person me precedent penalë./a.m.
