Komisioni Qëndror i Zgjedhjeve ka verifikuar formularë e vetëdeklarimit për kryebashkiakët Artur Bushi dhe Elvis Rroshi, në kuadër të Dekriminalizimit.
Fillimisht seanca ka nisur për kryerjen e verifikimeve për Rroshin, ndaj të cilit janë verifikuar disa probleme me drejtësinë.
Sipas KQZ-së, ai rezulton i dënuar në Kavajë për “plagosje” dhe “armëmbajtje pa leje”.
Po ashtu, Rroshi është ndaluar nga autoritetet gjermane në vitin 2002, ku është mbajtur nën masën e sigurisë “arrest me burg”. Mësohet se vetë Rroshi nuk është i pranishëm në seancë por përfaqësohet nga avokati i tij Theodhori Sollaku.
Pas debateve KQZ ka konkluduar se Rroshi nuk rezulton i dënuar, pasi ka vërtetim nga Drejtoria e Burgjeve. “Nuk mund të vlerësojmë saktë nëse është në kushtet e ndërprerjes së mandatit. Arresti me burg në vendet e BE-së, bën që të humbasë detyrën por i drejtohemi prokurorisë për formularin dhe certifikim më të hollësishëm”, ka deklaruar KQZ.
i njëjti vendim u mor edhe për kryebashkiakun e Krujës Artur Bushim ndaj të cilit do të kryejë veprimet verifikuese prokuria, konkretisht struktura e posaçme për dekriminalizimin.
/a.m.
