Trupi i pajetë i një personi është gjetur ditën e sotme në ujërat e Ishullit të Sazanit.
Roja Bregdetare e Marinës së Vlorës bën me dije se trupi i pajetë është gjetur në pjesën veriore të Ishullit të Sazanit, rreth 5-6 m larg nga bregu i detit.
Nga hetimet paraprake dyshohet se ai mund të jetë njëri prej dy skafistëve të zhdukur, në 11 mars të këtij viti, ku në bord kishte 1.2 ton hashash në bord.
Njëri prej tyre u gjet i mbytur në det me 24 mars, ndërsa trupi i pajetë që u gjet ditën e sotme dyshohet se është i skafistit tjetër.
