Çdo ditë po hidhen gjithnjë e më shumë dyshime lidhur me djegien e autobuzit me shqiptarë në Bullgari.
Pronari i njërës prej kompanive më të mëdha të transportit në Bullgari, është i bindur se ka ndodhur diçka e çuditshme në tragjedinë e aksidentit, që la të vdekur 44 udhëtarë. Në ketë “aksident” kanë reaguar edhe ekspertë tjere bullgarë, sipas të cileve këtu diçka fshihet, me dyshim, se mund te jetë një akt terrorist (ekonomik) anti musliman për të friksuar shqiptaret kryesisht muslimanët tjerë nga Ballkani të vizitojnë Turqinë.
Sebahtin Ismail, i cili posedon autobusë të rinj Mercedes, ka shpjeguar për portalin bullgar “Haskovo” se, është e pamundur që një autobus si ai i Besa Trans, të digjet në një kohë kaq të shkurtër dhe të lër aq shumë viktima.
Ismail pohon se të gjithë autobusët e prodhuar pas vitit 2018 dhe veçanërisht nga marka “Mercedes” kanë të instaluar sisteme sigurie me mjete anti-zjarr.
“Së pari autobusi ndalet, e dyta hapen të gjitha daljet, të gjitha dyert dhe dritaret e sipërme. Autobusi hyn në regjim të posaçëm dhe ai nuk ka se si të vazhdojë, nuk ka se si të ndodh që të mos hapen dyert dhe dritaret e sipërme. Nuk ka se si të digjet i gjithë autobusi, sepse autobusi shuhet vetë, nëse ka ndokund zjarr në sistemin i autobusit, deri sa të arrijnë zjarrfikësit, autobusi nuk mundet të digjet për kaq kohë të shkurt, është absurde, ka pasur eksploziv”, tha Sebahtin Ismail.
Gjithashtu ai tregon instalimin e zjarrfikësve në motor, daljet e sigurisë brenda autobusit, kamerat e kështu të cilat përdoren për njohjen e sinjalistikës rrugore me radhë. Nëse shoferin e zë gjumi, ulësja e tij fillon të dridhet dhe vetë automjeti reagon dhe kthehet në drejtimin e duhur shtoi ai.
Ministri i Transportit dhe Lidhjeve, Bllagoj Boçvarski ka njoftuar që “Besa Trans” tani më nuk ka licencë për të punuar, për të transportuar pasagjerë. Përndryshe janë suspenduar dy doganierë, pasi të njëjtit nuk kanë evidentuar daljen e autobusit të aksidentuar në Bullgari, i cili nuk ka pasur leje për një udhëtim të tillë.
Nga Doganat thonë se doganierët kanë shkelur nenin 49 të Ligjit për Transportin Rrugor.
/a.r
