Ish-drejtues i policisë Erzen Breçani ka komentuar në një lidhje në emisionin “Opinion” përforcimin e dyerve që është bërë në Partinë Demokratike, pak ditë para protestës së njoftuar të 8 Janarit.
Duke folur mbi fotot dhe videot e shpërndara në media, Breçani tha se në dyer janë përdorur profile metalike si barriera kundra njerëzve dhe me qëllim që t’ju rezistojnë shtytjeve.
“Nëse drejtuesit e PD që janë shumë, kanë vendosur ato dyer nuk di mbi çfarë informacionesh….
Por nëse njerëzit kanë vendosur për të hyrë brenda, ne i themi me një çelës pneumatik ose hapës hidraulik që e marrin me qera, e vendosin në dy kanatat dhe e hapin pa përdorur forcë fare, në dy anët ku është salduar dera, e vendosin dhe e hapin shumë shpejt dhe i shkon kot. Kjo që ne e shohim është vendosur një barrierë kundra njerëzve”, tha Breçani.
/b.h
