Dy zyrtarët e Ministrisë së Transportit dhe Postëtelekomit (MTPT), Betim Reçica dhe Vjollca Kelmendi, nuk e kanë dhënë dëshminë të enjten në gjykimin kundër ish-ministrit Fatmir Limaj dhe katër të akuzuarve të tjerë, shkruan Koha Ditore. Megjithëse Gjykata kishte planifikuar që ata të merreshin në pyetje, kjo procedurë është shtyrë për të premten (sot), për shkak se avokatët mbrojtës të të akuzuarve nuk ishin përgatitur.
Limaj, tash deputet dhe lider i Nismës për Kosovën, bashkë me Endrit Shalën, Nexhat Krasniqin, Shpëtim Telakun dhe Florim Sukajn po akuzohen për krim të organizuar, shpërdorim të detyrës zyrtare, si dhe marrje e dhënie ryshfeti.
