Dy të rinj dhunojnë policin rrugor, arrestohen
Një efektiv i policisë u dhunua nga dy të rinj në qytetin e Krujës. Policia njoftoi arrestimin në flagrancë të shtetasve Aurel Musteqja, 32 vjeç, banues në Krujë dhe Ali Musteqja 38 vjeç.
Sipas njoftimit, mësohet se këta dy shtetas kanë goditur me grusht në fytyrë punonjësin e Policisë së Rendit në Fushë-Krujë, gjatë ushtrimit të detyrës.
32-vjeçari Aurel Musteqja nuk ka pranuar të lëvizë mjetin tip “Benz”, me targë AA 794 AB, të cilin e kishte parkuar gabim. Pasi kanë kundërshtuar punonjësit e policisë, dy shtetasit janë konfliktuar fizikisht me të duke e goditur me grusht.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Goditjet për shkak të detyrës”.
