Andi Diva, 19-vjeçari i cili iu përgjigj të shtënave me armë kur u qëllua në makinë së bashku me të plagosurit Gentian Diva dhe Alban Skonja, iu caktua masa e sigurisë arrest me burg 2-mujor.
Ata udhëtonin me makinë kur u qëlluan nga kushërinjtë Kastriot Leshaj dhe Armando Lleshaj. Pas ngjarjes, dyshja u largua nga vendi i ngjarjes.
Raportohet se është zhvilluar edhe gjyqi për Devis Lleshaj, i arrestuar si i përfshirë në ngjarje, por gjykata vendosi masën e sigurisë arrest në shtëpi, në mungesë provash që e përfshijnë në ngjarje. Ditën e nesërme, gjykata do ju komunikojë në Spitalin e Traumës masën e arrestit dy personave të plagosur tre ditë më parë në Fushë-Mamurras, Gentian Diva dhe Alban Skonja.
Sa i përket motiveve të ngjarjes, duket se shkak është bërë një vajzë, e cila mësohet se ndodhej në shoqërinë e të plagosurve dhe u ngacmua nga pala tjetër.
Megjithatë dinamika e plotë e ngjarjes mbetet për t’u sqaruar.
/a.r
