Dy persona kanë rënë në prangat e policisë ditën e sotme në Korçë, pasi u kapën duke transportuar emigrantë të paligjshëm. Me një njoftim për mediat, Policia bën me dije se Marjus Galla 34 vjeç dhe Dritan Demelli 35 vjeç, banues në Pogradec, u konstatuan në afërsi të fshatit Eçmenik, Devoll, duke lëvizur me mjetin tip “Benz”.
Efektivët e Policisë i bënë me shenjë drejtuesit që të ndalonte, por ai nuk iu bind urdhrit dhe u largua me shpejtësi, por pas ndjekjes është kapur dhe neutralizuar në afërsi të fshatit Zëmblak, Maliq.
Gjatë kontrollit të ushtruar në mjet u konstatuan 3 emigrantë të paligjshëm, të cilëve Galla dhe Devolli, kundrejt shpërblimit, iu kishin premtuar kalimin drejt vendeve të BE-së.
Materialet në ngarkim të tyre i kaluan Prokurorisë së Rrethit Gjyqësor Korçë, për veprime të mëtejshme.
