Në të njejtën situatë që është sot PD dhe LSI që kanë djegur mandatet, ka qënë PS e drejtuar nga Edi Rama në fundin e tetorit të vitit 2009 dhe muajt e parë të vitit 2010.
Teksa Rama dhe PS bojkotuan Kuvendin nën akuzën se janë vjedhur votat nga Berisha duke kërkuar rinumërimin e votave, kryetarja e Kuvendit në atë kohë Jozefina Topalli dhe kryetari i KQZ po në atë kohë Arben Ristani, deklaruan zbatimin e ligjit. Pra zëvendësimin e depputetëve nga lista.
Duke iu përgjigjur pyetjeve mbi statusin e deputetëve socialistë, të cilët po respektojnë vendimin e kryesocialistit për të bojkotuar kuvendin, Topalli në atë kohë sqaroi se do të respektohet Kushtetuta dhe rregullorja e Kuvendit.
“Kur të përfundojnë të gjitha afatet kushtetuese, kryetarja e Parlamentit do t’i drejtohet KQZ për të zëvendësuar deputetët, të cilëve u digjet mandati për shkak të mosparaqitjes në kuvend”.
Deklaratën ish kryeparlamentarja e ka bërë gjatë emisionit “Ora e Debatit” të gazetarit Alfred Peza, sot sekretar i PS.
Duke iu përgjigjur pyetjeve mbi statusin e deputetëve socialistë, të cilët po respektojnë vendimin e kryesocialistit për të bojkotuar kuvendin, Topalli sqaroi se do të respektohet Kushtetuta dhe rregullorja e Kuvendit.
I kontaktuar, ish kryetari KQZ Ristani, në sinkron me Topallin deklaron se do zbatohet ajo që parashikon ligji.
Ai sugjeron referim te neni 164 i Kodit Zgjedhor për të kuptuar se kush do të jetë vendimi i KQZ, kur t’i bëhet kërkesa nga Këshilli i legjislacionit të Kuvendit.
Neni 164 i ligjit electoral, edhe pse nuk ka parashikuar një rast si ai i bojkotit të gjithë grupit parlamentar socialist, shpjegon rastet kur ndërpritet mandati i deputetit.
Duke iu referuar Kushtetutës dhe pikërisht nenit 71 të saj, thuhet se mandati i deputetit përfundon apo është i pavlefshëm kur ai nuk bën betimin apo heq dorë nga mandati.
Në këtë rast Kuvendi, jo më vonë se 30 ditë, njofton KQZ-në për krijimin e vakancës.
Mandati i ndërprerë i kalon kandidatit vijues të listës së të njëjtës parti politike në zonën zgjedhore përkatëse. Eshte KQZ-ja qe merr vendim për dhënien e mandatit kandidatit të radhës në listën e kandidatëve të regjistruar.
Nëse as kandidati i radhës nuk paraqitet në Kuvend brenda 30 ditëve nga njoftimi, pa shkaqe të përligjura, mandati i kalon kandidatit vijues të listës,
E njëjta procedurë vazhdon deri në shterimin e listës së kandidatëve të së njëjtës parti politike.
Në këtë rast kur mandati i takon një koalicioni zgjedhor, ai i shpërndahet partisë pjesëtare të koalicionit me herësin më të lartë.
Do të veprohet dhe sot në këtë mënyrë me vakancën e krijuar në PD e LSI?!(TemA)
