Prokuroria speciale ka kërkuar sot lejen nga Kuvendi I Shqipërisë, për arrestimin e ish zëvendëskryemisntrit Arben Ahmetaj. SPAK ka ngritur katër akuza ndaj Ahmetaj të cilat vërteten rreth pasurisë së tij dhe konfliktit të interesit.
Arben Ahmetaj nuk ka më asnjë post zyrtar dhe është një deputet I thjesht, jo aq miqësor as me partinë e tij.
Është e thjeshtë të bëhesh I fort me të.
Ajo që bën përshtypje është reagimi I disa politikanëve të PD, të cilët kërkojnë urgjent që sot Arben Ahmetaj të shkoj në burg.
E thonë këtë në një kohë kur dy deputetë të opozitës kanë së paku tre vjet që gjykohen të lirë, dhe kanë të dy pretenca për burg.
Fatmir Mediu, ka një pretencë që i kërkon gjashtë vite burg, dhe ka një vit e gjysmë që shtyn gjyqin, duke shëtitur në çdo vend të botës dhe duke na dhënë dhe leksione për demokraci. Madje I thërret dhe këta “zelltarët” e opozitës për burg, duke u bërë foto nëpër seminare idiote që të duken dhe këta me perëndimin.
Nga ana tjetër deputeti Ervin Salianji është dënuar me burg nga Gjykata e Shkallës së parë dhe për turp të Shqipërisë, të drejtësisë dhe sidomos të drejtësië së re, ka dy vjet që shtyhet gjyqi apelit per ta ekzekutuar vendimin.
Këta që kërkojnë burgosjen sot të Arben Ahmetaj, bëjën si badigard të Ervin Salianjit dhe shkojnë në sallë të gjyqit kur ai ka seancë për të trembur gjyqtarët.
Dhe kjo është një neveri.
Janë të njëjtët që futeshin në sallën e gjyqit kur gjykoheshin gardistët që vranë më 21 Janar dhe kërcënonin gjykatësit.
Arben Ahemtaj nëse është fajtor për akuzat e ngritura do gjykohet dhe do ta shikojmë.
Burgosja e tij paraprake si mase sigurie është një teprim ekstrem, siç janë teprime çdo arrestim me burg paraprakisht për çdo akuzë apo shkelje në administratë. Burgu paraprak është për vrasës përdhunues dhe njerëz që bëjnë krime në flagrancë, jo për hetime të tipit “kush ka fjetur tek shtëpia e filanit”.
Dënimi dhe ndëshkimi I politikanëve nuk ka synim vuajtjen fizike por ndëshkimin e korrupsionit I cili duhet të faktohet nga gjykata.
Për me tepër që kemi dy standarde të disa politikanëve që për vite të tëra I kanë bërë karashillëk drejtësisë duke u qenë deputet dhe tani befas kanë një zell që bashkë me ngritjen e akuzës të hapet dhe dera e burgut për koleget e tyre kundërshtarë.
Një Kuvend nuk mund të jetë me dy standarte: Me gjela opozitarë që këndojnë maj plehut dhe kërcënojnë drejtësinë edhe pse janë nën gjykim për krime dhe të tjerë që duhet të arrestohen pa u gjykuar.
TemA
