Dy shqiptarë të burgosur në Itali janë gjetur fajtorë edhe për 29 vjedhje, të kryera ose të mbetura në tentativë, në provincat e Verbanias, Novarës e Vareses. Shqiptarët, 27 e 41 vjeç, akuzohen edhe për vjedhje të panumërta të makinave me cilindratë të madhe, të ndodhura gjatë verës së shkuar në disa komuna pranë Lago Maggiore, liqeni në veri të Italisë.
Vjedhjet janë kryer në qershor e korrik 2015, me kulmin më 19 korrik, kur në një vilë në Xhinjeze kanë mbyllur edhe pronarin në një dhomë të shtëpisë, pasi e kanë grabitur, shkruan Quotidiano Piemontese.
