Juventusi ka nxitim, ndërsa protagonistët duan të marrin pak më shumë kohë për të reflektuar. Bëhet fjalë për Kenan Yildiz dhe Luciano Spalletti, të cilët së bashku kanë ringritur sezonin bardhezi dhe “Zonja e Vjetër” po kërkon të rinovojë me të dy.
Yildiz-it i përfundon kontrata më 30 qershor 2029. Por në futboll situata ndryshon. Bisedimet me përfaqësuesit e turkut po vazhdojnë prej javësh dhe marrëveshja nuk ka qenë kurrë kaq afër.
Afati i ri i kontratës do të jetë 2031, ndërsa paga do të rritet nga 1.5 milionë euro neto në rreth 6 milionë euro, për ta barazuar me Jonathan David, aktualisht lojtari më i paguar te “Zonja e Vjetër”. Mungon vetëm çështja e bonusit të firmës, i cili mund të zgjidhet në javët e ardhshme.
Me firmën e mesfushorit turk, edhe Luciano Spalletti mund të bindet të përshpejtojë bisedimet për zgjatjen e kontratës së tij.
I ardhur gjatë sezonit në vend të Tudor, me një kontratë 8-mujore, ai ka deklaruar gjithmonë se dëshiron të flasë për të ardhmen vetëm në fund të sezonit. Një mënyrë për t’i dhënë klubit mundësinë ta vlerësojë punën e tij, por edhe për të mbrojtur veten, duke qenë se ish-trajneri i Italisë e di shumë mirë se sezoni i ardhshëm nuk do të jetë për ndërtim, por për fitore të menjëhershme, dhe për këtë arsye kërkon garanci teknike.
Në tryezë e pret një kontratë deri në 2028, sapo të vendosë të hapë bisedimet me klubin, Comolli dhe Chiellini do të jenë gati.
Dhe kështu, Juventusi i së ardhmes mund të (ri)nisë nga dysheja Yildiz–Spalletti.
