Numri i të infektuarve nga koronavirusi në Kosovë ka shkuar në pesë. Ditën sotme është zbuluar se edhe dy persona të tjerë janë prekur nga koronavirusi.
Ata janë të afërm të njërit prej dy pacientëve që të premten rezultoi pozitiv.
Të dy personat janë shtruar në Klinikën Infektive të Qendrës Klinike Universitare të Kosovës.
Ndaj tyre po tregohet kujdes, ndërsa autoritetet kosovare kanë marrë një sërë masash për të ndalur përhapjen e virusit.
“Krahas tri rasteve pozitive të deritashme, sot pasdite me 14/03/2020 në Laboratorin e Mikrobiologjisë Molekulare në IKSHPK me RT PCR janë konfirmuar edhe dy raste të reja pozitive për virusin SARS-CoV-2: Një rast nga Stublla e Vitisë (kontakt i rastit të parë) i gjinisë mashkull 42 vjeç, dhe një rast 37 vjeç e gjinisë femërore, shtetase kosovare me qëndrim në Itali-Brescia, e cila ka ardhur në Kosovë me datë 01/03/2020 nëpërmjet Aeroportit Ndërkombëtar “Adem Jashari“. Vend qëndrimi i saj në Kosovë është fshati Bubavec, Komuna e Malishevës”, thuhet në njoftimin e IKSHPK-së.
g.kosovari
