Dy persona kanë tentuar të vrasin me thikë shtetasin Fehmi Mziu, president i klubit të futbollit Korabi. Ngjarja ka ndodur në rrugën “Hoxha Tahsin” në Tiranë.
Të dy janë përleshur me Mziun, duke tentuar ta godasin me thikë.
Për fatin e tij të mirë, ka ndërhyrë policia, e cila ka mundur të arrestojë njërin prej agresorëve, Edmond Gecaj, 27 vjeç. Tjetri, S.M., është shpallur në kërkim.
Nuk është i qartë motivi, por dyshohet për borxhet që mund të ketë Mziu.
