Një sherr i regjistruar në lagjen Nr.2 të Sarandës gjatë mesditës ka degjeneruar në përdorimin e thikës.
Autoritetet bëjnë me dije se një 52-vjeçar ka plagosur me thikë dy persona pas konfliktit që nisi për motive të dobëta.
“Sot, rreth orës 14:00, në lagjen nr.2, Sarandë, dyshohet se pas një konflikti për motive të dobëta, shtetasi F. J., 52 vjeç, ka plagosur me mjet prerës (thikë), shtetasit E. S., 54 vjeç dhe S. Ll., 62 vjeç, të dy banues në Sarandë. Dy të dëmtuarit ndodhen në spital, jashtë rrezikut për jetën”, njofton policia.
Shërbimet e Policisë pasi janë lajmëruar për ngjarjen kanë nisur hetimet dhe janë vënë në ndjekje të autorit të dyshuar.
Grupi hetimor ndodhet në vendngjarje dhe nën drejtimin e Prokurorisë dhe po punon për sqarimin dhe zbardhjen e plotë të rrethanave të ngjarjes.
/s.f
