Kryeministri Edi Rama ka sulmuar Presidentin Ilir Meta, i cili pak ditë më parë dekretoi 6 marsin si ditën e zgjedhjeve të pjesshme në 6 bashki.
Sipas kryeministrit Rama, Meta për një kohë të gjatë ka shkelur kushtetutën, ndërsa mban peng institucionin.
Kreu i qeverisë tha porositë e tij për zgjedhjet e pjesshme, duke theksuar se do të jenë larg politikës dhe me vëmendje tek hallet e popullit.
Nga njëra anë është oferta jonë, u shpreh Rama, nga ana tjetër janë ata, bravat, varetë dhe trastat me dekorata.
“Një objektiv i ri është shfaqur para nesh me nxjerrjen e dekreteve presidenciale vendore pas një periudhe të gjatë shkelje të kushtetutës nga ana e zotërisë, i cili e mban peng të hënës së tij edhe për pak kohë.
Ne do ta përmbushim detyrën tonë që në 6 njësitë vendore të zgjidhen kandidatët e PS. Për fushatë do të organizohemi sa më mirë, por pa lënë pas dore asnjë angazhim tjetër dhe pa e hequr fokusin nga këshillimi kombëtar.
Forcat e angazhuara në këto 6 bashki do të jenë forcat vendore pra deputetët dhe drejtuesin politik të qarkut. Mesazhet tona do të jenë të lidhur me hallet dhe problemet e këtyre bashkive. Ndërkohe sa më pak politik në këto zgjedhje aq më mirë, sepse politikisht panorama është e qartë. Nga njëra anë ne me ofertën tonë, nga ana tjetër kundërshtaret politik. Në 6 sheshe për 12 ose 18 përsheshe varet si do rreshtohen.
Nga njëra anë ne, që do ofrojmë një punë konkrete nga ana tjetër ata që do luftojnë për mbijetesën politike të dy apo 3 udhëheqësve partiake këtu në Tiranë dhe që nuk kanë asnjë lidhje me këto zgjedhje.
Nga njëra ane ne, këta që kemi me të mirat dhe të metat tona, nga ana tjetër ata me bravat, varetë, trastat me dekoratat, të gjithë kundër të gjithëve për të provuar forcat në kurriz të atyre bashkive.
Dy parti demokratike, njëra më e madhe se tjetra, dhe një tjetër parti më e madhe se të dyja bashkë, ngjitur me të madhen e të treta, tre lider, njëri grada tjetri non grada, i treti të dyja bashkë.
Ne emër të këtyre 3 popujve do të thirren të gjithë bravaxhinjtë për ti kërcyer në kurriz njëri tjetrit.”, tha Rama.
g.kosovari
