Gjykata Evropiane e të Drejtave të Njeriut në Strasburg ka nisur shqyrtimin për dy padi që lidhen me ngjarjet e 21 janarit të vitit 2011 kur 4 protestues opozitarë u vranë nga garda.
Pak javë më parë, Strasburu nisi shqyrtimin e padive të familjarëve të viktimave për mënyrën e hetimit dhe të gjykimit në procesin penal të zhvilluar në Shqipëri.
Ndërkohë 1 vit më parë sipas Fondacionit Shoqëria e Hapur për Shqipërinë, Strasburgu nisi zyrtarisht gjykimin për një padi të ngritur që në vitin 2012 nga familjarët e viktimave të 21 Janarit.
Fondacioni Shoqëria e Hapur për Shqipërinë e ka cilësuar si një vendim të mirëpritur disbursimin pak ditë më parë të 160 milionë lekëvë nga Qeveria për të dëmshpërblyer familjarët e viktimave të 21 Janarit, sipas vendimeve të Gjykatës Administrative.
“Me një vendim të mirëpritur, Këshilli i Ministrave ka akorduar një fond të veçantë për Gardën e Republikës për të shlyer dëmshpërblimet sipas katër vendimeve të Gjykatës Administrative që pranoi paditë e familjarëve të të vrarëve të 21 janarit 2011. Edhe tre padi të tjera janë ende në proces, të cilat priten të përfundojnë në muajin shkurt 2017. Kërkimi i dëmshpërblimit është vetëm një prej aspekteve të ndjekura për çështjen e 21 janarit nga Res Publica me mbështetjen e Fondacionit Shoqëria e Hapur për Shqipërinë. Paralelisht vijojnë të ndiqen dy çështje të nisura në Gjykatën Evropiane për të Drejtat e Njeriut, e cila gjatë vitit 2016 nisi shqyrtimin e çështjes së regjistruar qënë vitin 2012 dhe pak javë më parëregjistroi edhe një-çështjetjetër me kërkues familjet Myrtaj, Veizi dhe Deda, të cilët godasin mënyrën e hetimit dhe të gjykimit në procesin penal. Në Gjykatën Evropiane do tëshqyrtohet kuadri ligjor i kohës, planet operacionale të menaxhimit të demonstratës, si dhe problematika e procesit penal, i kritikuar si një proces jo i rregullt ligjor”, thuhet ne nje njoftim zyrtar./a.m.
