Efektivët e policisë së Gjirokastrës kanë zhvilluar këtë të mërkurë dy operacione anti kanabis në Frashër të Përmetit dhe në Kurvelesh të Tepelenës. Në operacion kanë marrë pjesë 75 forca policore.
Gjatë operacioneve janë sekuestruar 260 kg kanabis, 2500 bimë në proces tharje ndërsa në aksionin e dytë janë identifikuar 970 bimë të kultivuara dhe një hangar me 320 degë të bimëve narkotike të varura në proces tharje.
“Operacioni i parë u zhvillua në vendin e quajtur Mbroshnik të fshatit Frashër të rrethit Përmet.
Gjatë operacionit është evidentuar një hangar ku brenda të cilit u gjetën të varura në proces tharje 2500 degë të bimëve narkotike në proces tharje të cilat u asgjësuan në vend me anë të djegies. Gjithashtu u gjetën 25 thasë të mbushur me lëndë narkotike me peshë rreth 260 kg. Nga ana e Policisë Përmet është shpallur në kërkim shtetasi K.L., banues në Frashër, i cili në momentin e ndërhyrjes së Policisë ka mundur të largohet në pyll.
Operacioni i dytë u zhvillua në Njësinë Administrative Kurvelesh në malin e fshatit Nivicë ku u gjet një parcelë me 970 bimë të kultivuara dhe një hangar me 320 dega të bimëve narkotike të varura në proces tharje. Mbi bazën e informacioneve të marra në rrugë operative Policia e Tepelenës ka shpallur në kërkim shtetasin K.V., pasi ka mundur të largohet në mal. Vijon puna për kapjen e autorëve si dhe për zbardhjen e plotë të këtyre veprave penale.”, thuhet në njoftimin e policisë./java/a.k
