Koronavirusi është përhapur edhe në radhët e efektivëve të policisë, duke u konfirmuar rastet e para.
Kjo ka bërë që në Drejtorinë e Policisë Tiranë, të vendoset një tunel dezinfektues, ku do të kalojnë efektivët.
Përfaqësuesja e Institutit të Shëndetit Publik, Marjeta Dervishi, në komunikimin që pati për raportimin e 24 orëve të fundit, ka konfirmuar se janë 8 policë të prekur nga Covid-19.
“Numri i efektivëve që janë të konfirmuar si raste pozitive është 8”, tha ajo.
Dy pjesëtarë të personelit mjekësorë janë të prekur nga koronavirusi dhe janë të shtruar në spitalin Covid 1 bëri të ditur doktoresha Marjeta Dervishi, drejtuese Institutit të Shëndetit Publik gjatë konferencës për shtyp.
Mjeku i njohur Roland Xhaxho dhe Shefi i laboratorit të mikrobiologjisë në QSUT, Andi Koraqi gjenden të shtruar në këtë spital.
Po ashtu u njoftua se nga 416 persona të konfirmuar zyrtarisht si të infektuar me koronavirusi, 5 pacientë ndodhen në gjendje të rëndë, të intubuar.
Në raportimin e 24 orëve të fundit, Instituti i Shëndetit Publik bëri me dije se në shërbimin infektiv aktualisht janë 50 pacientë të shtruar. 6 prej tyre janë në terapi intensive, dhe 1 pacient është i intubuar.
Ndërsa ë spitalin COVID 2 “Shefqet Ndroqi”, janë 6 pacientë të shtruar gjithsej, ndërsa 4 pacientë janë të intubuar.
g.kosovari
