Valë të nxehti, temperatura rekord, përmbytje, zjarre. Të gjitha këto fenomene i kanë kushtuar botës shumë shtrenjtë. OKB ka deklaruar se në 50 vjet 2 milionë njerëz kanë humbur jetën nga fatkeqesitë natyrore të nxitura nga ndryshimet klimatike sipas OKB-së.
Më shumë se 91% e viktimave kanë ndodhur në vendet në zhvillim. Numri i këtyre fenomeneve natyrore është rritur për pesë herë gjatë një gjysmë shekulli duke i kushtuar botës humbje në vlerë 3.64 trilionë dollarë.
Organizata Botërore e Meteorologjisë tha se në raportin e saj se hulumtuesit kanë studiuar rreth 11,000 fatkeqësi që ndodhën midis viteve 1979-2019, përfshirë katastrofat kryesore si thatësira e Etiopisë më 1983, nga e cila u shkaktuan 300,000 vdekje, dhe Uragani Katrina më 2005 në SHBA që ishte më i kushtueshmi, me humbje prej 163.61 miliardë dollarë.
Raporti tregon se ngjarjet ekstreme të motit po bëhen më të shpeshta për shkak të ngrohjes globale. “Humbjet ekonomike po rriten”, u shprehen Sekretari i Përgjithshëm i WMO, Petteri Taalas.
Të gjitha këto të dhëna të nxjerra nga raporte të detajuara rajonale do të përdoren për të ndihmuar qeveritë të zhvillojnë politika për të mbrojtur më mirë njerëzit.
/a.r
