Koreja e Veriut dhe Koreja e Jugut ranë dakord për takimin e familjeve të ndara për shkak të luftës. Në një deklaratë nga Ministria e Unifikimit të Koresë së Jugut theksohet se autoritetet e Kryqit të Kuq në Seul dhe në Penian orët e fundit në kufirin korean kanë kryer një takim dhe kanë vendosur që me 20-26 tetor të mbledhin së bashku familjet, raporton AA. 100 familje nga gadishulli verior dhe ai jugorë do të takohen në rajonin e Malit Kumgang në Korenë e Veriut. Familjet edhe në shkurt të 2014 ishin takuar në të njëjtin vend.
Koreja e Jugut dhe Koreja e Veriut me qëllim forcimin e marrëdhënieve mes dy palëve me 25 gusht arritën një marrëveshje. Të dy palët kishin rënë dakord edhe për bashkimin e familjeve si dhe për kryerjen në një kohë sa më të shkurtër të takimeve të nivelit të lartë për të diskutuar çështje në interes të palëve. Disa familje të cilat kanë kryer regjistrimet për takimin me të afërmit e tyre kanë shprehur shqetësimin me arsyen se Koreja e Veriut në disa takime të mëparshme kishte anuluar takimet në momentet e fundit.
Parashikohet se afërsisht 66 mijë koreano-jugorë kanë kryer regjistrimet për tu takuar me të afërmit e tyre në Korenë e Veriut të cilët u ndanë gjatë luftës së Koresë në vitet 1950-1953, dhe gjithashtu parashikohet se pjesa më e madhe e tyre ndodhet mbi moshën 70 vjeçare.
