Skuadra gjenoveze e Sampdorias është ekipi më i goditur nga COVID-19 në Serie A. Pas Manolo Gabiadinit, Omar Kollej, Albin Ekdal, Antonino La Gumina dhe Morten Torsbi, rezultuan pozitivë me virusin e rrezikshëm edhe Bartosh Berezinski dhe Fabio Depaoli. Pra janë shtatë futbollistë të ekipit që janë infektuar nga koronavirusi.
Veç tyre, dhe një nga mjekët e skuadrës ka rezultuar gjithashtu pozitiv. Për momentin, të gjithë të prekurit te Sampdoria nuk shfaqin asnjë simptomë dhe nuk paraqesin probleme me shëndetin.
Bereszynski bëhet lojtari i shtatë i infektuar dhe i 11-ti në “Serinë A”, i infektuar me koronavirus.
Lajmin e ka konfirmuar vetë futbollisti në llogarinë e tij në Instagram.
“Fatkeqësisht, kam dalë pozitiv në testin për COVID-19. Unë ndihem mirë. Pavarësisht se kisha marrë masat parandaluese gjatë ditëve të fundit, nuk ia dola ndaj infektimit. Për këtë arsye ju kërkoj të jeni të përgjegjshëm dhe të qëndroni në shtëpi kurdo që keni mundësi”, shkruan në Instagram futbollisti polak.
g.kosovari
