Manchester City dhe Manchester United janë mbretërit për shpenzime në afatet kalimtare.
Në 5 vitet e fundit, dy skuadrat e Premier Leagues kanë shpenzuar 1 miliard e 874 milionë euro për blerje futbollistësh.
Që nga viti 2013, Manchester City ka investuar 1 miliard e 14 milionë euro, ndërsa United 860 milionë euro.
“Fajin” më të madh në këtë aspekt e kanë pikërisht trajnerët aktualë të këtyre dy skuadrave, Pep Guardiola dhe Jose Mourinho, transmeton tch.
Që nga ardhja e Guardiolës në stol në vitin 2016, skuadra “Citizens” ka shpenzuar 600 milionë euro, ndërsa “Djajtë e Kuq” shpenzuan 431,4 milionë euro që nga momenti kur në stol u ul Jose Mourinho. (b.an)
