RENEA kap në gjumë Klement e Eldi Çala, vëllezërit nga Elbasani. 300 efektiv bastisin vilën në Qerret, sekuestrohen lekë e armë dhe mbi 150 mijë euro.
Në orën 3 të natës, efektivët e kryesuar nga Drejtori i Policisë Kriminale, Tonin Vocaj, kanë bërë rrethimin e vilës në zonën e bregdetit dhe janë futur në apartamentin ku ndodheshin dy të shumë kërkuarit.
Në bazën e tyre në Qerret të Kavajës ku fshiheshin prej disa javësh janë sekuestruar armë dhe mbi 150 mijë euro. Po ashtu dy vëllezërve Çala i janë sekuestruar edhe dy motorë luksoz dhe të fuqishëm BMW si dhe dy automjete luksoze Audi veturë një me targa shqiptare dhe një me targa zvicerane.
Më 23 korrik 2019 nga hetimi pasuror, Policia e Shtetit, asokohe me Krimet e Rënda sot prokuroria e posaçme SPAK, i sekuestruan vëllezërve Çala pasurinë me një vlerë rreth 500.000 Euro.
Dy vëllezërit e shumëkërkuar ishin në kërkim për grabitjen e 4.6 milionë eurovë në Rinas kanë rënë pranga.
Klement Çala me të vëllain ishte shpallur në kërkim që prej datës 10 prill 2019, pasi në Rinas u grabit një sasi rekord prej 4.6 mln euro.
Gjatë largimit, në shkëmbim e sipër me FNSH u vra Admir Murataj, ndërsa në burg janë edhe 7 anëtarë të tjerë bandës.
g.kosovari
