Me një ndryshim të menjëhershëm të “zemrës”, presidenti i Filipineve Rodrigo Duterte e quajti udhëheqësin e Koresë së Veriut Kim Jong-un “idhullin” e tij dhe “një shok të mirë”. Një vit më parë, ai e konsideroi diktatorin korean si një ‘maniak” dhe “një bir kurve”.
“Ai është bërë idhulli im, Kim Jong-un. Gjithë kohën, ai ishte fotografuar si djali i keq i komunitetit ndërkombëtar“, tha Duterte. Tani Kim duket se është një “shok i dashur dhe shumë i këndshëm“, tha udhëheqësi i Filipineve, duke e konsideruar presidentin e Koresë së Veriut një “hero të të gjithëve”.
Duterte, i cili është i njohur për deklaratat e tij kundërthënëse, shkoi edhe më tej, duke thënë se Kim do të ishte “njeriu i orës” një ditë. “Një ditë, nëse unë mund ta takoj, dëshiroj ta përgëzoj. Unë do t’i them atij, se ju admiroj. Ju keni ndjenjën e kohës”,
Presidenti 72-vjeçar i Filipineve duket se po ndryshon rrënjësisht qasjen e tij ndaj Kim.
Në vitin 2017, ai tha se lideri i Koresë së Veriut mund të shkatërronte Azinë duke shkaktuar një luftë bërthamore, sipas Duterte.
Duke e quajtur Kim një njeri të rrezikshëm, i cili po luan me lodra të rrezikshme, ai paralajmëroi se “nuk duhet të mashtrohej nga fytyra e tij e bardhë që duket e bukur”.
a.ç
