Një 47-vjeçar i cili po udhëtonte me armë zjarri me vete është vënë në prangat e policisë së Durrësit. Ai nuk i është bindur urdhrit të policisë për të ndaluar. Kjo e fundit e ka ndjekur për 5 km nga sheshi Pranvera në autostradën Tiranë-Durrës, duke arritur ta vërë në pranga.
47-vjeçari u ndalua në afërsi të mbikalimit të Shkozetit.
Policia bëri të mundur arrestimin e tij, bllokimin e mjetit Audi me të cilin ai po udhëtonte, si dhe sekuestrimin e armës së zjarrit pistoletë tip “TT” dhe një krehër me 7 fishekë.
Tashmë materialet hetimor për këtë çështje i kanë kaluar Prokurorisë së Rrethit Gjyqësor Durrës, ndërkohë që ndaj 47-vjeçarit rëndojnë akuzat për veprat penale “Mosbindja ndaj urdhrit të punonjësit të policisë” dhe “Armëmbajtja pa leje”.
Sipas kodit penal nisur nga këto vepra penale 47-vjeçari rrezikon dënimin deri në 7 vite burg. /e.s/
